لتجربة أفضل يرجى تغيير المتصفح إلى كروم، فايرفوكس، واوبرا أو إنترنت إكسبلورر.

مشاكل السباكة بالمنزل – 98780484

 احنا حبينا نعملك دليل بموضوعتنا عن الفني الصحي والمشاكل اللي ممكن تحصل في سباكة بيتك وكمان حلول ليها ،وكمان نقدملك النصيحة بأحسن الفنيين في مجالهم وتقدر تعتمد عليهم ،وتقدر تعالج أي مشكلة بسيطة تقابلك في سباكة بيتك من غير ماتستدعي فني صحي طالما المشكلة ليها حل عندك .

تقدر تغير جلدة الحنفية ؟؟

 لو حصل تسريب مياه من الحنفية لما تيجي تقفلها ده معناه ان لازم تغير الجلدة ،علشان كده ممكن تفك قلب الحنفية في حالة الحنفية الكبشة واللي تصميمها بيتفق مع حنفية الخلاط ،لكن لو هتفك الحنفية العادية لازم تمشي علي خطوات علشان تفك القلب الخاص بيها ،وفي نوعين من الجلد اللي بيستخدموها في الحنفيات غير النوع المصمت العادي .

 

انواع الجلد المستخدمة في الحنفيات ..

 

  • جلدة الحنفية الجديدة ممكن تثبت في مكانها من غير صامولة أو ممكن بصامولة زنق ،وممكن تظبط مقاس الجلدة بالمقص لو كانت اكبر من الرص النحاسي ،وبتراعي قبل ماتبدأ في التركيب انك تتأكد من الحشو كمان ومن حركة القلب جوه الجراب الداخلي للحنفية ،وبعد تثبيت الجلدة الجديدة تطبق خطوات التركيب ،وهي عكس خطوات الفك مع ملاحظة انه عند فك وتركيب القلب لازم يكون الحنفية في وضع الفتح ،وعلي حسب تصميم الحنفية ممكن تستخدم كمية صغيرة من الشحم علي القلب .
  • بتركب القلب في مكانه في جسم الحنفية وبتتحط تحته وردة كاوتش أو بتلف حواليه بعض الياف الكتان بالأيد في اتجاه عقارب الساعة ،وبيتربط بالمفتاح الفرنساوي وبعدين يتركب بالايد ويربط المسمار اللي راسه علي شكل صليب بالمفك أو المفتاح الفرنساوي حسب التصميم .
  • وبعدها تفتح المياه وتجرب الحنفية ولو اتأكدت ان مفيش تسرب مياه ركب غطا الحنفية عكس طريقة الفك .

بس لو المشكلة مش في الجلدة يبقي ايه الحل ؟؟

 لو حصل تسريب مياه حوالين الحمود (محور الدوران) لما تفتح الحنفية ،هيكون العيب في الحالة دي في حلقة الحشو ،والخطوات اللي هتعملها هتبدأ انك تقفل المحبس الرئيسي للمنزل ،وبعدين تربط الصامولة (صامولة زنق الحشو) يعني تلفها نص لفة في اتجاه عقارب الساعة ،وده هيساهم في علاج المشكلة ،بس لو متعالجتش بالطريقة دي لازم تتفك وتغير الحشو .

في النهاية دي مشكلة بسيطة وممكن تتحل لو موجود عندك الأدوات اللازمة ،وكمان تقدر توفر وقت وفلوس ومجهود ،لانك قدرت تحل المشكلة بنفسك من غير ماتستعين بالفني الصحي ،بس في مشاكل لازم تاخد فيها مشورته أو هو اللي يقدر يصلحها لانها مشاكل خاصة بخبرة ومهارة الفني الصحي واللي لازم تختاره علي حسب قدرته وخبرته في مشاكل السباكة .

اترك تعليقك


لن يتم نشر عنوان بريدك الإلكتروني. الحقول الإلزامية مشار إليها بـ *